မြန်မာနိုင်ငံသားများနိုင်ငံကြီးသားပီသစေလို

စင်ကာပူနိုင်ငံသည် စင်စစ်အားဖြင့် အကြောင်းကြောင်းကြောင့် ပြည်ပသို့ ထွက်ခွာကာ အလုပ်လုပ်၊ ပညာသင်ကြားနေကြသူ မြန်မာများ အများဆုံးရောက်ရှိရာ နိုင်ငံတစ်နိုင်ငံဖြစ်သည်။ ဒေသတွင်းတွင်ရော၊ ကမ္ဘာပေါ်တွင်ပါ ထိပ်တန်းနေရာတွင်ရှိနေသောကြောင့် စင်ကာပူအစိုးရကရော၊ စင်ကာပူနိုင်ငံသားများကပါ မြန်မာများအပါအ၀င်၊ အနောက်နိုင်ငံမှမဟုတ်သော နိုင်ငံခြားသားများကို အတန်ငယ်အထင်သေးအမြင်သေးဆက်ဆံကြလင့်ကစား တရားဥပဒေစိုးမိုးမှုအရှိဆုံး၊ လုံခြုံစိတ်ချရမှုအရှိဆုံး နိုင်ငံတစ်ခုဖြစ်နေသည်။
စင်ကာပူတွင် လာဘ်ပေးလာဘ်ယူမှုများဖြင့် မြန်မာနိုင်ငံသားများကိုရော၊ တခြားနိုင်ငံသားများကိုပါ တဘက်သက်ဖိနှိပ်မှုမရှိ။ ရဲကိုလာဘ်ပေး၍ ဥပဒေကို လက်တလုံးခြားကျူးလွန်၍မရ။ ပြောရလျှင် ဒေသတွင်းရှိ မြန်မာလုပ်သားများ အများဆုံးရောက်ရှိနေသော ထိုင်းနှင့် မလေးရှားတို့ ထက်စာရင် အပုံကြီးသာသည်။
မည်သည့်နိုင်ငံမှ မိမိနိုင်ငံသားများထက် အခြားနိုင်ငံသားများကို အခွင့်အရေးပိုပေးမထားပါ။တန်းတူရည်တူရှိဖို့ လည်းမလွယ်။တရုတ်
အများစုရှိနေသောစင်ကာပူတွင် တရုတ်အများစုတွင်ရှိသည့် အခြေခံစိတ်ရင်၊စိတ်ဓါတ်တော့ရှိကြသည်။ထိုအချက်သည်လည်း စင်ကာပူဧ။်အားကောင်း
သော ပညာရေးစနစ်ကြောင့် အတော်ကြီးပြောင်းသွားခဲ့ပေပြီ။ ပြည်မကြီးတရုတ်တွေထက်တော့ အမြင်ပိုကျယ်ကြသည်။ သို့ သော် မည်သူမျှ အလုံးစုံ
ပြီးပြည့်စုံမှုမရှိသော လောကသဘောအရ သူတို့ တတွေတွင်လည်း အားနည်းချက်များရှိကြသည်။စင်ကာပူတွင်အနေကြာလာသော မြန်မာနိုင်ငံသား
အများစုထံတွင် စင်ကာပူအစိုးရပေါ်လစီအချို့ နှင့် စင်ကာပူနိုင်ငံသားများဧ။် အပေါ်စီးဆန်ခြင်း၊ အနောက်တိုင်းသားမှ အထင်ကြီးခြင်း၊ သူတို့ တွင်ရှိသော
အရည်အချင်းများထက်ပိုတွက်ထားခြင်း၊ ရုပ်ပစ္စည်းများကြွယ်ဝမှု ဦးစားပေးလွန်းခြင်း၊ ပုံစံခွက်ထဲက စက်ရုပ်များ၊ စစ်တုရင်ခုံပေါ်မှ နယ်ရုပ်ကလေးများ
ကဲ့သို့  ခံစားချက် နည်းပါးခြင်းကို မနှစ်မြိုကြ။ထိုအတွက် မကြာခဏဆိုသလို အချင်းချင်းအကြား မျှဝေခံစားမှုများ၊ ဝေဖန်ထိုးနှက်မှုများ၊ အဆိုးမြင်
ပြောဆိုမှုများကြားနေရသည်။ သို့ သော် အဆိုးချည်း၊ အကောင်းချည်း ဘယ်နေရာမှရှိမနေသော လောကသဘာဝအရ လောလောဆယ် အလုပ်အကိုင်၊အခွင့်အလမ်းနှင့် ၀င်ငွေအသင့်အတင့်ကောင်းမွန်ခြင်း၊ လုံခြုံစိတ်ချရခြင်း၊ ပညာသင်ခွင့်များပြားခြင်း၊ ခေတ်မီမီ လူနေမှု အဆင့်မြင့်မြင့်နေရခြင်း၊ မြန်မာဦးရေ များပြားလာသောကြောင့် ရေခြားမြေခြားခံစားမှု အလွန်ကြီးမရှိခြင်းစသော အားသာချက်များကို အမှီပြု၍နေထိုင်ကြဆဲရှိကြသည်။
ကမ္ဘာပေါ်ရှိ နိုင်ငံအသီးသီးတွင်နေထိုင်ကြသူများသည် မိမိနေထိုင်ရာဒေသအပေါ်တွင် မိမိတို့ ဖြစ်ချင်၊ လိုချင်၊ ရချင်သည့်စံနှုန်းများဖြင့်
တိုင်းတာလေ့ရှိကြသည်။အဆိုးနှင့် အကောင်းအမြင်နှစ်မျိုးရှိတတ်ကြသည်။သေချာသည်မှာအဆိုးကိုချည်းပြောသူနှင့် သေချာသည်မှာ
အဆိုးကိုချည်းပြောသူနှင့်အကောင်းသက်သက်ညွှန်းဆိုကြသူအားလုံး လက်ရှိနေရာဌာနအသီးသီးတွင် မိမိတို့ အတွက်ကောင်းသော အားသာချက်
များကိုရှာကာ ဘ၀တိုးတက်ရေး၊ မိသားစုဘ၀မြင့်မားရေး၊ ပတ်ဝန်းကျင်၊ လူ့ အဖွဲ့ အစည်းအကျိုးထမ်းဆောင်ရေးအတွက် အလုပ်လုပ်နေကြသည်ဟု
ဆိုနိုင်သည်။စင်ကာပူတွင်လည်း ထိုအတိုင်းပင်။ စင်ကာပူရောက် မြန်မာနိုင်ငံသားများတချို့ စင်ကာပူဧ။် အားနည်းချက်၊ အဆိုးများအကြောင်း မည်မျှ
ပြောဆိုနေကာမူ မိမိတို့ မူလလာသောနေရာထက် လောလောဆယ် အားသာချက်များ ရှိနေသေးသည်ဟု ယူဆ၍သာ ဆက်လက်နေထိုင် အလုပ်
လုပ်ကိုင်နေကြခြင်းဖြစ်သည်။
မကြာခဏဆိုသလို အွန်လိုင်းစာမျက်နှာများတွင် စင်ကာပူရှိ မြန်မာအချို့ ဧ။် ညည်းညူသံများကြားနေရသော်လည်း သည့်ထက်ဖိအား
များသောနေရာမှ လာသူများဖြစ်သည့်အပြင် မိမိတို့ ထက်အခြေအနေဆိုးသော ထိုင်း၊ မလေးရှားနိုင်ငံတို့ မှ သနားစရာ၊ အဖိနှိပ်၊ အနိုင်ကျင့်ခံ မြန်မာ
လုပ်သားများနှင့် နှိုင်းယှဉ်ကြည့်ကြဖို့ လိုသည်။ တရားဝင်အလုပ်လုပ်ကိုင်ခွင့်နှင့် တရားဝင်အလုပ်လုပ်ကိုင်ရန် သွားရောက်သူမြန်မာများပင်လျှင်
ထိုင်း၊ မလေးရဲများဧ။် အောက်တန်းကျကျ ဖိနှိပ်မှုကြောင့် ဒုက္ခရောက်ရသူများဧ။်အကြောင်းများ မကြာခဏဆိုသလို ကြားနေရသည်။ဤကဲ့သို့ 
အခြေအနေများနှင့် ယှဉ်ရင် စင်ကာပူရောက်မြန်မာများအဖို့ မျက်မှောက်ကြုံတွေ့ နေရသော ပြသာနာအခက်အခဲများကို အကောင်းဆုံးနည်းဖြင့်
ဖြေရှင်းနိုင်ကြမည်ဟု မျှော်လင့်သည်။
ပညာရပ်ဝန်းတွင်နေကြသူမြန်မာနိုင်ငံသားများ စင်ကာပူအပါအ၀င် အခြားနိုင်ငံသားများထက်ခေါင်းတလုံးမြင့်နေမှ တော်ကာကျမည်။
အလုပ်ခွင်အတွင်းရှိနေကြသော နိုင်ငံသားများသည်လည်း ထိုအတိုင်းပင်။ လုပ်ငန်းခွင် အကြီးအကဲ၊ လုပ်ဖော်ကိုင်ဖက်များ၏အမြင်တွင် ယဉ်ကျေးသော၊ သဘောထားကြီးသော၊ ရင့်ကျက်သော၊ တာဝန်ယူ၊ တာဝန်ခံရဲတဲ့ စိတ်ရှိသော၊ ရိုးသားဖြောင့်မတ်သော၊ လေးစားအပ်သော မြန်မာ
နိုင်ငံသားများ အဖြစ်ရှိစေချင်သည်။ ထိုသို့ ဆိုရင် သူတို့ တတွေ အထင်အမြင်သေး၍မရဟု မြင်ပါသည်။ အထင်အမြင်သေးသူ၊ ခွဲခြားဆက်ဆံသူများ
တဖက်တည်းမှမကြည့်ဘဲ တခြားတဖက်တွင်လည်း ထိုကဲ့သို့  အကြည့်ခံ၊ အထင်ခံလောက်သည့် အခြေအနေများ ရှိမနေဖို့ လိုပါသည်။
ကြီးပြင်းကျင်လည်ခဲ့ရသော ခေတ်စနစ် ပတ်ဝန်းကျင်များ၏ ရိုက်ခက်မှုကြောင့်လက်ရှိကြုံတွေ့ နေရသော အခက်အခဲ၊ ပြဿနာများ
နှင့် ပတ်သက်၍ ကိုယ်ကလွဲ၍ ကျန်အခြေအနေအားလုံးအပေါ် အပြစ်မြင်သော ရှုထောင့်မှသာ အကဲဖြတ်လေ့ရှိကြသည်။ ကိုယ်ကိုတိုင်တွင်လည်း
အားနည်းချက်၊ ချို့ ယွင်းချက်များ ရှိနေနိုင်သည်ကို သတိပြုမိသူနည်းလှ၏။ ဘယ်အခြေအနေ၊ ဘယ်လိုနေရာမျိုးတွင်မဆို အဆိုးချည်း၊ အကောင်း
ချည်းရှိမနေတတ်။ အကောင်းနှင့်အဆိုး တွဲနေသည်မှာ လောကသဘာဝပင်ဖြစ်သည်။အကောင်းကိုသာယူ၍ အဆိုးကိုမလိုချင်၍မရ။ အကောင်းများ
ခံစားပြီးရင်တော့ ကြုံလာမည့်အဆိုးအချို့ ကိုလည်း ကြံ့ကြံ့ခိုင် ရင်ဆိုင်ကျော်လွှားနိုင်ရပေမည်။
အရေးအကြီးဆုံးမှာ မြန်မာနိုင်ငံသားများဆိုပါက အထင်သေး၍မရဟူသော မှတ်ချက်မျိုးထွက်လာစေရန် ကျွန်တော်တို့ ထံတွင်
အရည်အချင်းများရှိနေဖို့ လိုပါသည်။ နိုင်ငံကြီးသားများနှင့် လျော်ညီစွာပြုမူ၊ နေထိုင်၊ ပြောဆို လုပ်ကိုင်ကြဖို့ လိုပါသည်။ သက်ဆိုင်ရာအလုပ်ခွင်များ
က အသီးသီးသတ်မှတ်ထားသော စံများနှင့် ကိုက်ညီဖို့ လိုသည်။သို့ မဟုတ်ပါဘဲ ကြက်ခေါင်းဆိတ်မခံဖြစ်နေကြရင် ပဋိပက္ခအသွင်ဆောင်သွားပြီး
ငါးခုံးမတစ်ကောင်ကြောင့် တစ်လှေလုံးပုပ်သွားနိုင်သည်။ နိုင်ငံရပ်ခြားရောက် မြန်မာနိုင်ငံသားများအနေဖြင့် မိမိတို့ နိုင်ငံအတွက်ပို၍တာဝန်ကြီးသည်။
အကြောင်းက ဘယ်နိုင်ငံရောက်ရောက်၊ ရောက်သည့်နိုင်ငံ၊ တွေ့ သည့်လူမျိုးက မိမိအပေါ် မိမိနာမည်နှင့် မိမိတစ်ဦးတည်းကိုသာကြည့်မည်မဟုတ်။
နိုင်ငံသားနှင့် နိုင်ငံကိုတွဲ၍ကြည့်သည်။ကျွန်တော်တို့ တော်လျှင် မြန်မာတွေတော်သည်။ ကျွန်တော်တို့ ညံ့လျှင် မြန်မာတွေညံ့သည်။ ကျွန်တော်တို့ 
စည်းကမ်းရှိလျှင် မြန်မာတွေ စည်းကမ်းရှိသည်။ကျွန်တော်တို့  ပရမ်းပတာနေရင်၊ စည်းကမ်းမရှိရင် မြန်မာတွေ စည်းကမ်းမဲ့သည်စသဖြင့် ကျွန်တော်
တို့ နောက်တွင် ကျွန်တော်တို့ နိုင်ငံနှင့်နိုင်ငံသားအားလုံး၏ပုံရိပ်က ထပ်ကြပ်မကွာလိုက်နေသည်။
ထို့ ကြောင့် မြန်မာအများဆုံး ဆုံဆည်းရာ ပင်နဆူလာစည်းကမ်းမဲ့သူများ၊ မင်းမဲ့ဆန်ဆန်ပြုမှုဆောင်ရွက်ချက်များ၊ မျဉ်းကျားမှမကူး၍
ဖမ်းဆီးဒဏ်ရိုက်ခံရသူများ၊ ပတ်ဝန်းကျင်ကိုအလေးမထား ဟောင်ဖွာဖွာ စွာကျယ်ကျယ်မိုဘိုင်းဖုံးပြောသူများနှင့် MRT အပေါ်တွင် လူထိုင်စရာနေရာ
များရှိပါလျက်နှင့် စင်ကာပူသားရော အခြားနိုင်ငံသားများပါလုံးဝမလုပ်သည့် အများသူငှာခြေနင်းဖက်တွင် ပြေပစ်လက်ပစ်ထိုင်ကာတောင်စဉ်ရေမရ၊
အရည်မရ အဖတ်မရစကားများပြောဆိုခြင်း၊ (ဒီနေရာမှာပြောချင်တာက စင်ကာပူနိုင်ငံသားများလည်း ထိုင်ကြပါတယ်။စာရေးသူက မကြုံဖြစ်လို့ 
မမြင်ခဲ့တာဖြစ်နိုင်ပါတယ်။ဒါပေမယ့် သူတို့  ထိုင်တိုင်း မထိုင်သင့်ပါဘူးဒီလုပ်ရပ်ဟာ သိက္ခာကျစေပါတယ်။ နိုင်ငံကိုချစ်ရင် နိုင်ငံကိုလေးစားရင်
ရှောင်သင့်ပါတယ်။ ကောင်းကင်ပြာ )၊ ခေတ်မှီလှသော အနောက်နိုင်ငံသူများ၊ စင်ကာပူသူများကိုအတုယူ၍ လျှပ်ပေါ်လော်ရီသောအ၀တ်အစား
များဝတ်ဆင်ခြင်း၊ ဘီယာသောက်ခြင်း၊ဆေးလိပ်သောက်ခြင်းများမှာ မြင့်မြတ်ယဉ်ကျေးသောမြန်မာမိန်းခလေးများ၏ဂုဏ်သိက္ခာကို ကျဆင်းစေပါသည်။(မူလစာမှာဒီအတိုင်းမဟုတ်ပါ၊ ကောင်းကင်ပြာ(ချစ်သူလေး) ဖြည့်စွက်ထားသည်။)စသည်များကို လက်တွေ့ မြင်ရ၊ကြားရသော
အခါစိတ်မကောင်းဖြစ်မိသည်။တလွဲဆံပင်ကောင်းနေသူများကိုသနားစိတ်ဝင်မိသည်။နောက်တဆင့်တက်၍ သူများနိုင်ငံတွင် ကျွန်တော်တို့ ကိုယ်စား
ပြုနေသောနိုင်ငံ၏ဂုဏ်သိက္ခာကျအောင်ပြုလုပ်ရကောင်းလားဟု ဒေါမနုဿဖြစ်မိသည်။ဤစရိုက်အတွေးအခေါ်၊ အပြုအမူများကိုမပြင်နိုင်သေးသရွေ့ 
ကျွန်တော်တို့ ဘယ်နေရာရောက်ရောက်၊ဘယ်နိုင်ငံရောက်ရောက် အထင်အမြင်သေးခံနေရပေအုံးမည်။
ကျွန်တော်တို့ တတွေ တပါးနိုင်ငံတွင် အထင်အမြင်သေးခံနေရခြင်းသည် ကျွန်တော်တို့ တဦးချင်းအပါအ၀င်ကျွန်တော်တို့ တတွေကို
ဤသို့ ဖြစ်လာစေရန် တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း သြဇာသက်ရောက်မှုရှိသည့် ကျွန်တော်တို့ ပတ်ဝန်းကျင်
အားလုံးနှင့် ဆိုင်သည်။ ကျွန်တော်တို့ ပတ်ဝန်းကျင်နှင့် တိုင်းနိုင်ငံ အဖွဲ့ အစည်းတစ်ခုလုံး ပြုပြင်ပြောင်းလဲဖို့ ဆိုရင် ကျွန်တော်တို့ ဗွေဆော်ဦး လုပ်ရမည်မှာကျွန်တော်တို့ တဦးချင်းစီတွင်နိုင်ငံကြီးသားများ၏ ဂုဏ်အင်္ဂါနှင့် ညီညွတ်နေဖို့ ပင်ဖြစ်သည်။အပြစ်တင် အပြစ်ပြောခြင်းသည်မကောင်း။
ထိုကြောင့် မည်သူကိုမှ အပြစ်မတင်ပဲ ကိုယ်လုပ်နိုင်သည့်နေရာမှ စလုပ်ကြဖို့ ဆော်သြလိုရင် ကိုယ်တိုင်ရော အပြစ်မတင်သူ၊ နိုင်ငံကြီးသား ပီသရန်
လိုနေသည် မဟုတ်ပါလော။ ။


ကျော်ဗဟိန်း

( စာရေးသူ ကျော်ဗဟိန်း၏The Voice (01-02-2010) တွင်ပါဝင်သောဆောင်းပါးအား ကောင်းကင်ပြာ(ချစ်သူလေး)အနည်းငယ်ပြင်ဆင်၍ ကိုယ်တိုင် ရိုက်နှိပ်၍ ကူးယူဖော်ပြပါသည်။ )