စိုးရိမ်တယ်ဆိုတာ

လူရယ်လို့ဖြစ်လာရင် စိုးရိမ်စိတ် မရှိတဲ့သူဆိုတာ မရှိသလောက်ပါဘဲ။ စိုးရိမ်သောက မဖြစ်ဘူးတဲ့သူဆိုလို့ ကျွန်မ တစ်ခါမှမတွေ့ ဖူးသေးဘူး။ ကျွန်မတို့မိန်းကလေးတွေဟာလည်း တော်တော်များများ ကိစ္စတွေမှာ စိတ်ပူတတ်ကြတယ်။ မိန်းကလေးတွေမှ မ ဟုတ်ပါဘူး။ မိန်းက လေး တွေထက် စိတ်ပူတတ်လွန်းတဲ့ ယောကျာင်္းလေးတွေလည်း ကျွန်မရဲ့ ပတ်ဝန်းကျင်မှာ တွေ့ဘူးတယ်။ ယောကျာင်္း လေးတွေ စိတ်ပူ လွန်း ရင်တော့ ဘေးကကြည့်ရသူက စိတ်မသက်မသာ ပိုဖြစ်ရတယ်နော်။ အလုပ်ကိစ္စ၊ ငွေကြေးကိစ္စ၊ မိသားစု ကိစ္စ၊ ကျောင်းကိစ္စ၊ ချစ်သူနဲ့ပတ်သက်တဲ့ကိစ္စ.. အို..စိုးရိမ်စိတ်တွေနဲ့ ပူပန်နေမိကြတာ။ အချင်း ချင်း တွေ့ရင်လည်း ” နင်.. ဒီလောက်ကိစ္စများ ပူမနေနဲ့။ အချိန်တန် အဆင်ပြေသွားမယ် ” လို့သာ ကိုယ်က အားပေး လိုက်ရတာ။ ကိုယ်သာ သူ့နေရာ ဆို သူ့ထက်တောင် ပိုစိတ်ပူ နေဦးမလားမသိ။ တချို့တွေကြတော့လည်း သူတို့ အားပေးသံလေးများရလို့ စိတ်ပူ သက်သာ ရမ လားမှတ်တယ် ” နင် စိတ်ပူမယ်ဆိုရင်လည်း ပူသင့်တယ်” ဆိုတာမျိုးနဲ့ အရောက်ပို့ပေးကြတယ်။

ကျွန်မကိုယ်တိုင်လည်း တကယ် စိတ်ပူလွန်းတဲ့သူ ဖြစ်ခဲ့ဘူးတယ်။ ဥပမာ.. မွေးနေ့ပွဲ တစ်ခုသွားဖို့။ ခရီး တစ်ခုထွက်ဘို့။ ဒါမှမဟုတ် အလုပ်ခွင်မှာ နိုင်ငံခြားသား ဧည့်သည်တွေလာတော့မယ် ဆိုတာမျိုး ဆိုရင် မွေးနေ့ပွဲတွေ.. ခရီးတွေ.. ဧည့်သည်တွေကဘယ်နေမှန်း မသိသေးဘူး။ ကျွန်မစိုးရိမ် စိတ်တွေက လွန်ကဲနေပြီ။ ဘယ်ကိစ္စမဆို မလုပ်ရင်အရှင်း၊ လုပ်ရင် သပ်သပ်ရပ်ရပ်နဲ့ ပီပီပြင်ပြင်လုပ်ချင်တဲ့ စိတ်ကြောင့် စိုးရိမ်ပူပန်စိတ်တွေရဲ့ ဖိစီး မှုတွေနဲ့ မကြာခဏ နှစ်ပါးသွားရတယ်။

မွေးနေ့ပွဲဆိုလည်း ငါဘာလေး လက်ဆောင်ပေးရင်ကောင်းမလည်း။ ဘယ်လိုသွားရမလည်း။ ဘာဝတ်သွားရင် တင့်တယ် မလည်း။ မနက်ဖြန် မွေးနေ့ပွဲ မြန်မြန်ရောက်ဖို့ ဒီညစောစော အိပ်မှနဲ့ပေါ့.. နဲ့ ပူပန်နေမိတာ။ ခရီးထွက် မယ်ဆိုရင်လည်း လိုအပ်မယ့် ပစ္စည်း စာရင်းတွေမှတ်၊ ၀ယ်ရမှာတွေ၊ ယူသွားရမှာတွေ အသေးစိတ်ပြင်ဆင်နဲ့.. ကျွန်မရုံးက ညီမလေးတစ် ယောက်ရဲ့ စကားယူ သုံးရရင် စိုးရိမ်စိတ်တွေက ယန္တယားခတ်နေပြီ။ နိုင်ငံခြား ဧည့်သည် အလုပ်ကိုလာမယ်ဆိုလည်း စိုး ရိမ်စိတ်တွေနဲ့ ထောင့်စေ့အောင် ပြင်ဆင် နေမိပြီ။ ဒါတွေကို ကြိုတင်ပြင်ဆင်တယ်လို့ ယူဆလို့ရပေမယ့် တကယ်က ပူပန် စိတ်တွေက ပိုကြီးစိုးနေတာ။

တကယ်တော့ စိတ်ပူတာဟာ ဘာမှ သုံးလို့မရတာထက် ပိုဆိုးတယ်။ စိတ်ပူတော့ ပထမက ဘာများဖြစ်မလည်း၊ ဟုတ်ပါ့မလား။ မရ တော့ဘူးထင် တယ် စတဲ့ အနှုတ်လက္ခဏာ ပြနေတာတွေကိုဘဲ စဉ်းစားနေမိတယ်။ ဒုတိယက အဲ့လိုစဉ်းစားနေမိတော့ ကျန်းမာရေး အတွက်မကောင်းတော့ဘူး ပေါ့။ စိတ်ပူတော့ စိတ်လှုပ်ရှားမယ်၊ နှလုံးခုန်တွေတက်လာမယ်။ ညဘက်တွေ တောင်စဉ် ရေမရတွေးပြီး အိပ်မပျော်နိုင်တော့ မနက်ဆို မူးဝေပြီး စိတ် တွေက မကြည်လင်တော့ဘူး။ စိတ်ပူလွန်းတာဟာ အရွယ်ကို မြန်မြန်အိုစေတယ်။ ဆံပင် တွေကို အချိန်မတိုင်မှီ ဖြူစေတယ်။ တတိယက စိုးရိမ်စိတ် ကြောင့် မိမိကိုယ်ကို ယုံကြည်မှုလည်း အနည်းနဲ့ အများလျှော့သွားနိုင်တယ်။

ဒါဆိုရင် စိတ်ပူစရာတွေကို ဘာလုပ်သင့်သလည်း။ ဟုတ်ပြီ..ကျွန်မတို့ စိတ်ပူစရာတွေကို ရက်ရွှေ့လိုက်ကြရအောင်။ ပထမဦးဆုံး လုပ် စရာရှိတာတွေကို အရင်လုပ်။ ပြီးရင် စိတ်ပူစရာတွေကို ရက်အကန့်အသတ်မရှိ ရွှေ့ဆိုင်း လိုက်ကြရအောင်။ ဒါဟာ ဘ၀မှာ အကျိုး ရှိ အောင် နေတတ်တဲ့သူတွေရဲ့ နည်းပဲတဲ့။ စိတ်ပူချင်လာပြီ ဆိုရင် ပထမဦးဆုံး ကိုယ့်ဟာကိုယ် အရင်မေးခွန်းထုတ် ကြည့် လိုက်..။

” အခု စက္ကန့်ပိုင်းမှာအရေးကြီးတဲ့ ပြဿနာကဘာလည်း ”

အဲ့ဒါဆို ဘာကိုတွေ့ရမလည်း သိလား ၊ အသက်ကိုခြိမ်းခြောက်နေတဲ့ အခြေအနေမျိုးကလွဲလို့ ကိုယ့်မှာ ဘာပြဿနာမှ မရှိတော့ဘူး ဆိုတာတွေ့ လာရလိမ့်မယ်။ ဟုတ်ပါတယ်။ ဒုက္ခ သုက္ခတွေ ဖြစ်တတ်ပါတယ်။ နေထိုင်မကောင်း ဖျားနာတာလည်းဖြစ်နိုင်တာဘဲ။ ငွေကြေး အခက်အခဲလည်း ကြုံ တွေ့ နိုင်တာဘဲ။ ဒါ.. ကျွန်မတို့ လူသားတွေ မလွှဲမသွေ ရင်ဆိုင်နေရတာတွေဘဲလေ။ ရှောင်လွှဲလို့မှ မရတာနော်။ ဒါပေမယ့် ဒီအခက် အခဲတွေကြားမှာ တုန်လှုပ် ခြောက်ခြားနေတဲ့ ယုန်တစ်ကောင်လို ဖြစ်နေဖို့ အကြောင်းမရှိဘူး။

အခက်အခဲဆိုတာတွေက မဖြစ်ခင်ကသာ စိုးရိမ်ကြောင့်ကြ ပူပန်နေရတာ။ နင်လားငါလား တကယ် ထိပ်တိုက်တွေ့ကြုံလာရင် လူရဲ့ သဘာဝအရ အလိုလိုကို ရှောင်လွှဲမရဘဲ အချိန်ပိုင်းလေး အတွင်းမှာဘဲ တစ်ခုပြီးတစ်ခု ဖြေရှင်းမိလျှက်သား ဖြစ်သွားရတာပဲ။ ပြီးမှ သြော်..တော်သေးလို့။ ငါ့မှာဖြင့် ပူလိုက်ရတာ။ အဆင်ပြေသွားသားဘဲ..နဲ့ ကိုယ့်ဟာကို ဒီစိတ်ပူနေတာကြီးကို အောင်အောင်မြင်မြင် ကျော်ဖြတ်နိုင်လိုက်တာ မသိဘဲ ဖြစ်နေတတ်တယ်။ တကယ်တော့ ရှေ့ဘာဖြစ်မလည်းဆိုပြီး ကိုယ့်စိတ်ကကြိုတင်တွေးပြီး ပူနေတာကသာ ကိုယ့်ကို ဒုက္ခပေးတာပါ။ ဒီတော့ ကျွန်မတို့ ပစ္စုပ္ပန် မှာဘဲ နေကြရအောင်။ ဒီနေ့အတွက် ကိုယ်လုပ်နိုင်တာတွေကို လုပ်ကြမယ်။ ပူပင်စရာတွေ ခေါင်းထဲက ထုတ်ပစ်လိုက်ကြမယ်။

ကျွန်မလည်း စိတ်တွေ ပူတတ်ခဲ့တယ်။ ဒါပေမယ့် သေချာစဉ်းစားကြည့်လိုက်တော့ ကိုယ့်ကိုယ်ကို ဒီနေ့ အထိ အသက်ရှင်နေ လို့မရတဲ့ အဖြစ်အပျက်မျိုးရှိခဲ့လား..? ဟင့်အင်း .. မရှိခဲ့ပါဘူး။ မသိလိုက်ဘဲနဲ့သာ ပူပန်နေသမျှ ကိစ္စတွေက ဖြေရှင်းနိုင်မိ လျှက်သား ဖြစ်နေ တာလေ။ ဒီတော့ အခုအချိန်မှာ တစ်ယောက်ယောက်ကသာ မြသွေးနီ စိတ်မပူတတ်ဘူးလားလို့ ကျွန်မကို မေးလာကြည့်။

” စိတ်ပူချင်တာပေါ့..။ ဒါပေမယ့် စိတ်ပူစရာကို ထပ်ကိုမကြုံသေးတာ ” လို့ ခေါင်းမော့ပြီး ကို ဖြေပစ်လိုက်ဦးမှာ။

Andrew Matthews ရဲ့ Follow Your Heart မှ စာတစ်ပုဒ်ကို ဖတ်ပြီး မြသွေးနီ ဖြည့်စွက်ရေးသည်။

ဆန္ဒနဲ့ဘ၀တစ်ထပ်ထဲကျကြပါစေ။

မြသွေးနီ