သတ်ပုံမှားတဲ့နေ.

ကိုယ့်ရဲ့အဖြစ်ချင်ဆုံး အိမ်မက်တစ်ခုက စာရေးဆရာ။ ဖြစ်ချင်တာမှ ဆရာမြသန်းတင့်တို့၊ အမေမာတို့လို့ စာရေးဆရာမျိုး၊ မန္တလေးကိုရောက်ရင် မန်းတောင်ရိပ်ကို မတက်ခင် အမေ့မာအိမ်အပြေးသွားလိုက်ရမှ ကျေနပ်သူ။ သို့သော် ကိုယ့်ရဲ့ အားနည်းချက်က ခံစားတတ်သော နှလုံးသားသာရှိသည်။ ဖန်တီးထုဆစ်နိုင်သော သညာကား မရှိ။ ဤသို့ဖြင့် ကိုယ်သည် ဟိုနေရာ လက်ဆော့၊ ဒီနေရာ လက်ဆော့ဖြင့် ခပ်ချာချာ စာရေးသူတစ်ယောက်ဖြစ်လာခဲ့သည်။ သူငယ်ချင်းများက ဝေဖန်သည်။ ကလော်ဆဲသည်။ မေတ္တာပို့သည်။ ရှက်ရကောင်းမှန်းမသိ။ စာရေးဆရာတစ်ယောက်ဖြစ်ရန် အိပ်မက် မက်ကောင်းဆဲ။

ကိုယ့်ကို စာရေးဖြစ်အောင် တွန်းအားပေးခဲ့သူက ကိုယ့်ဆရာ စာရေးဆရာဦးရဲနိုင်။ အင်မတန် စိတ်တိုတတ်သူ။ အခန့်မသင့်လျှင် ဆဲတတ်သူ။ ဆရာစာတည်းမှူးချုပ်အဖြစ် မဂ္ဂဇင်းထုတ်ချိန်တွင် ကိုယ်ကစာတည်းအဖွဲ့ဝင် အငယ်ဆုံး။ ဆန်ရင်းနာနာဖွပ် ဆိုသည့်စကားသည် ကိုယ့်အတွက်ဖြစ်ခဲ့သည်။ စာပေစီစစ်ရေးသို့ စာကြမ်းအစစ်ခံရန်သွားလျှင်လည်း ကိုယ်....။ စာအုပ်အဖုံးရိုက်ဖို့ မင်းသမီးထမိန်ထုပ်ထမ်းပြီးနောက်က တကောက်ကောက်လိုက်ရလျှင်လည်း .. ကိုယ် ....။ အနယ်နယ်အရပ်ရပ်က ညီအစ်ကိုတော်များ။ ညီအစ်မတော်များ၏ လက်ရာစုံကို မငြီးမငြူဖတ်ရလျှင်လည်း ကိုယ်...။ လိုအပ်လို့ အငှားခန္ဓာမြှောင်ရလျှင်လည်း ကိုယ်..။ စာအုပ်တကယ်တန်း ထွက်လာချိန်တွင် ဌာနဆိုင်ရာတွေမှာ ရှေ့မျက်နှာနောက်ထားပြီး ဦးဆောင်ဖြန့်ဝေရလျှင်လည်း .... ကိုယ်...။ ဤသို့ အသုပ်စုံကိုယ်သည် စာရေးသူကောင်းတစ်ယောက် ဖြစ်မလာသည်မှာ အံ့သြစရာမဟုတ်ပါတကား...။

သည်ကြားထဲ မဂ္ဂဇင်းတွင် အမှားတစ်စုံတစ်ရာပါလာပါက ကွမ်းတမြုံ့မြုံ့ဝါးတတ်သော ဆရာ၏အဆဲကို မျက်နှာတွင် ကွမ်းဖတ်စင်အောင် ခံရပြန်သေးသည်။ သို့သော် ကိုယ်သည် မည်သို့သော အခက်အခဲများရှိရှိ ... အိပ်မက်မက်နေရသည်ကို ကျေနပ်နေသည်သာဖြစ်သည်။

----------------× × × × × × × × × × × × × × × × × × × × × × --------------------------

ဒီနှစ်စာအုပ်မှာ ထူးချွန်ပြောင်မြောက်စွာ တာဝန်ထမ်းဆောင်ခဲ့တဲ့သူတွေကို ဂုဏ်ပြုတဲ့အနေနဲ့ အင်တာဗျူးကဏ္ဍလေး ထည့်ချင်တယ်ကွာ။ ဓါတ်ပုံလေးတွေ ဝေေ၀ဆာဆာနဲ့ အရမ်းကြီးလည်း မရှည်စေနဲ့။ ဒီဆရာမကြီးက လွတ်လပ်ရေးမရခင်ကာလကစပြီး တကယ့်ကို စွမ်းစွမ်းတမံ လုပ်ခဲ့တာကွ။ အသက်အကြီးဆုံးဝန်ထမ်းကောင်းကြီး... ။ သူ့ကို စထည့်မယ်...။ အမျိုးသမီးချင်းဆိုတော့ မင်း သွားဗျူးခဲ့....။

ဆရာက ငပိဆို တပည့်ဖြစ်တဲ့ကိုယ်က ဖုတ်ပီးသားလေ။ ဆရာမကြီးအိမ်ရှိတဲ့ အင်းယားကန်နားက တိုက်ပုလေးဆီကို ချက်ချင်းပဲ အရောက်သွားခဲ့တယ်။ ငွေရောင်ဆံပင်ဖြူလွလွနဲ့ အဖွားအိုတစ်ယောက်ရဲ့ အပြုံးတွေ့ ချမ်းမြေ့စရာကောင်းလိုက်တာ။ အရင်တုန်းက တောက်ပခဲ့တဲ့ ကြယ်ပွင့်တွေဟာ ခုတော့လည်း ဇရာရဲ့အောက်မှာ.... ။

အမေ .. သမီးတို့ မဂ္ဂဇင်းမှာ နိုင်ငံအတွက် စွမ်းစွမ်းတမံဆောင်ရွက်ခဲ့တဲ့ ပုဂ္ဂိုလ်တွေကို ဂုဏ်ပြုဖော်ပြချင်လို့ မေးမြန်းခွင့်လေး ပြုပါရှင်...
အော်.. သမီးလေး .. ထိုင် ထိုင် ..... အမေ နားကျပ်ယူလိုက်အုန်းမယ်နော်... ဟိုကုတင်ပေါ် လှဲလိုက်.....

ဟိုလေ .. အမေ .. ဟို .. ဟို. အင်တာဗျူး

အိုအေ.. အမေ သိပါတယ်... ကဲ ကျောကုန်းလှန် အသက်ပြင်းပြင်းရှု........။ အင်း .. အိုကေ .. ငါ့သမီး အဆုတ်တွေ နှလုံးတွေ အရမ်းကောင်းတယ်....။ ကဲ ဗိုက်ကိုလှန်အုန်း ...........

ဟိုလေ .. အမေ .. ဟို .. .ဟို ..........
မှန်းစမ်း .... ဘာမှ ရှက်စရာမလိုဘူး ..... တကိုယ်လုံးကိုလျှော့ထားလိုက် .... အင်း .. ဟုတ်ပြီ ကဲ .. လှန်အုန်း ...
ရှင် .. အမေ .... တော်ပီလေ .. အမေရဲ့....
အိုအေ ... ရှက်မနေနဲ့ မိန်းကလေး ....... Physical examination ဆိုတာ အကုန်စမ်းရတယ်အေ့ ....။ ကဲ .. လှန်မှာသာလှန်စမ်း ...။
(အင်း ... အကုန်အရှုံးပေးခဲ့ရပြီးပြီ.....။ ဒီတစ်နေရာတော့ အရှုံးမပေးနိုင်...။ ဘယ်ရမလဲ .. ငါကွ ...ထုတ်လိုက်စမ်း ဥာဏ်နီဥာဏ်နက်တွေ.....)

အား .. အမေ .. ဒူးခေါင်း .... ဒူးခေါင်းက တစ်အားနာနေတာ ကြာပြီ...။
အော် ... ပြဿနာက ဒူးမှာလား ...။ အေး အေး .. အမေ စစ်ဆေးပေးမယ်....။

အဲဒီနေ့က တူသေးသေးလေးနဲ့ ဒူးနှစ်ဖက်ကို အချက်ပေါင်းများစွာ အခေါက်ခံခဲ့ရတယ်.....။ ခြေထောက်တွေ မြှောက်လိုက် ချလိုက် လုပ်ရလွန်းလို့ ဗိုက်ကြောတွေလည်း နာလှပြီ.....။ အင်တာဗျူးလည်း မစရသေး....။ ဆရာ ဆူကာမှသာဆူပေရော့.....။ ပြန်တော့မည်..။

ကန်တော့ပါရစေ အမေ.....။
ကြမ်းပြင်ပေါ်က အထမှာ အရင်တုန်းက မနာတဲ့ ဒူးတွေက မျက်ခနဲ နာနေတယ်...။ အဖွားအိုရဲ့ ဆုတောင်းသံအဆုံးမှာ ကွတ ကွတ နဲ့ ထပြန်ခဲ့ရတယ်.....။ အပြန်ခရီးမှာ အဆဲပေါင်းများစွာနဲ့ စောင့်နေမဲ့ ဆရာ့မျက်နှာကြီးကို မြင်ယောင် ကျောချမ်းမိလို့ ကွမ်းကြိုက်တဲ့ဆရာ့ကို ဖားဖို့ ကွမ်း ၂၀၀ ဖိုး ၀င်ဝယ်ခဲ့ရတယ်....။

စာပေခရီးလမ်းက ငါ့အတွက် ကြမ်းလိုက်တာ...။ ကဲ ... သူငယ်ချင်း .... ။ ငါ စာရေးမကောင်းတာ မင်းအပြစ်တင်ချင်သေးလား....
ဒါပေမဲ့ .. ငါ အိပ်မက် မက်နေဆဲပါပဲလေ.........

စင်္ကာပူရောက် မြန်မာသူနာပြုများ